¿Qué nos levou a esta tolemia?
O Clube Mecos FG Ogrobe nace pola teima e as ganas dun grupo de mozos mecos e de pobos veciños de practicar este deporte, darlle un novo empurrón no noso país, e continuar cun movemento iniciado polos Fillos de Breogán da Coruña e continuado polos Ártabros de Oleiros e os Irmandinhos da Estrada. Agardamos consolidarnos e a non moito tardar poder dicir que xa formamos parte desta pequena pero gran familia do fútbol gaélico na nosa terra.
Dende os Mecos agardamos poder contribuír co noso pequeno gran de area a labor iniciada no seu día polos Fillos de Breogán e continuada tanto polos equipos que foron nacendo tras eles así como pola Selección Galega de Fútbol Gaélico.
Mecos FG Ogrobe
A nosa historia
SOBRE NOS
Un pouco de nós:
O 5 de novembro de 2012 comezan a verse os primeiros bocexos Mecos. Tras contactos con xente do mundo gaélico decidímonos a crear un perfil de facebook con moi bos resultados e apoio popular. O día 24 de novembro decidese dar o paso da creación do equipo. O camiño non foi doado pero o día 22 de decembro de 2012 por fin comezan os adestramentos.
O 9 de marzo de 2013 o clube Mecos FG xunto cos clubes A Coruña Fillos de Breogán e Irmandinhos da Estrada toma parte na creación da Asociación Galega de Fútbol Gaélico que deseña e pon a andar a primeira competición oficial galega, a Liga Galega de 7 contra 7, da que os mecos tomarán parte.
O día 16 de marzo de 2013, vispera do San Patricio, a festa nacional irlandesa por excelencia, tivo lugar o acontecemento historico do inicio da primeira Liga Galega de Fútbol Gaélico ainda que en formato "sevens".
O día 23 de marzo de 2013 por fin puidemos presenciar o primeiro partido dos nosos e este coincideu nada menos que coa nosa estrea na Liga Galega contra os Ártabros de Oleiros, o segundo equipo mais antigo do noso país. Os nosos rapaces comezaron moi ben pero no segundo tempo pagamos claramente a nosa inexperiencia e rematamos perdendo iso si dando moi boa imaxe e sacando eloxios e boas palabras sobre o noso xogo.
O día 13 de abril tivo lugar o noso debut no Campionato Ibérico, os nosos rivais foron Sant Vicent de Valencia, Madrid Harps e Irmandinhos da Estrada. Nos dous primeiros partidos non puidemos facerlles fronte a dous planteis pragados de xogadores Irlandeses e mesmo algunha con algún xogador All Ireland entre os seus efectivos pero no terceiro partido si fomos quen de disputalo ata os ultimo minuto malia que finalmente tamén fomos derrotados.
O 20 de abril por fin tivo lugar o noso ansiado debut na casa, este foi nun partido amigable contra os Irmandinhos da Estrada. Xogaronse dous partidos un a 11 e outro a 7, no primeiro o mellor coñecemento da modalidade dos estradenses impúxose pero no segundo chegou a nosa primeira vitoria nunha modalidade a de sevens na que pouco a pouco imos acadando mellores resultados.
A nosa primeira vitoria na Liga Galega de 7 contra 7 non puido ser ante un mellor rival xa que se produxo contra os Bráithreachas da Estrada que nese momento eran os vixentes lideres. Finalmente os Bráithreachas serian campións e os Mecos temos a honra de poder dicir que nin os campións nin os subcampións puideron con nos nesta primeira Liga Galega. Se algo quedou ben as claras neste encontro e que os Mecos FG chegaron para quedarse e que pronto daremos moito que falar.
O 22 de xuño rematamos a nosa primeira Liga Galega na que a pesares dos contratempos acadamos un meritorio 4º posto sendo o único equipo que acadou puntuar contra o campión e o subcampión.
O día 27 de xullo do 2013 foi outra das datas a marcar en dourado na nosa historia, ese día debutaron as Mecas nun partido amigable contra as Irmandinhas. O resultado era o de menos, malia todo as nosas xogadoras acadaron un meritorio empate.
